Тараддуд ишлари қизғин

    Шу йил сентябрь ойида Хива шаҳри нуфузли анжуман – “Марказий Осиё жахон цивилизацияси чорраҳасида” ҳалқаро форумига мезбонлик қилади.
Айни кунларда музей – шаҳарда бўлиб ўтадиган, саксондан зиёд давлатдан меҳмонлар иштирок этадиган анжуманга барча соҳалар бўйича тараддуд ишлари қизғин давом этмоқда.
“Ичан-Қальа” маҳалласи, шунингдек, музей-қўриқхона ҳудудида шу кунларда кенг кўламда ободонлаштириш, таъмирлаш ишлари амалга оширилмоқда. Маҳалланинг ички йўллари, майдончалар табиий тош плиталари билан қопланмоқда. Электр тармоғи, ичимлик суви, табиий газ таъминоти тизимлари ҳам эски шаҳарнинг қадимий кўринишига халақит бермайдиган тарзда қайта ўтказилмоқда.
     Коммунал хизмат кўрсатиш корхоналари ҳамда тегишли қурилиш ташкилотлари ходимлари ва ишчилари шу кунларда қизғин иш жараёнлари билан банд.

     Суратларда: Кўҳна Арк олдидаги майдонда ободонлаштириш, таъмирлаш ишларидан лавҳалар.