Xindistonlik jurnalistlar Xivada

19 fevral kuni Xorazm viloyati Xokimligi, Turizm rivojlantirish qo‘mitasi va Ichan – Qal’a davlat muzey qo‘riqxonasi  hamkorligida Xorazmda turizmni rivojlantirish maqsadida tashrif buyurgan Hindistonlik Savrab Kumar Shaxi «Sunday Indian» nashriyoti bosh muxarriri o‘rinbosari, Sudjoy Dxar «India Blooms» axborot agentligi bosh muxarririlarini kutib olib Ichan Qal’a muzey qo‘riqxonasi katta ilmiy xodimi Usmonova Umida hamroxligida ularga tarixiy va betakror shahar Xivani tanishtirshidi.

Mehmonlar shaharning qadimiy qismida joylashgan Xiva xonlari saroyi, ming yillik Juma masjidi, muqaddas ziyoratgoxlardan Pahlavon Mahmud maqbaralariga tashrif buyurishdi. Muxbirlar Xiva xunarmandchilik ishlariga juda qiziqish bildirishdi va yog‘och o‘ymakorligi va ipak gilamchilik ustalarini ishlari bilan yaqindan tanishdilar.

Muxbirlar o‘zlarining yurtimiz haqidagi ta’surotlari bilan o‘rtoqlashib, kelgusida O‘zbekistonga Hindistondan sayyoxlarni ko‘payishiga xizmat qilishlarini izxor qilishdi.